आउला र तिहार मखमली फूलमा !!?

यो मनको खुसी सबै निमोठी
बस्तीको दियो सधैलाई निभाई
कहाँ जान्छु भन्छौ ए मेरो साथी
बर्षौको साथ यो साइनो मेटाई ,

बिरक्तिदा कोइली तिम्रो वियोगमा
फुल्नेछ गुराँस रंग हराई
कसरी हेरुंला चमेली फूलको
नानीको बेदना एकहोरो रुवाई

सम्झाउला कसरी आरुको फूललाई
भनुँला के मा स्याउको बोटलाई
कसरी लखेतुला तिमी नहुँदा
जेठको दिन हिउँदको रातलाई

हराउदा धूपिले आफ्नो सुगन्ध
फुल्ला र फापर बारीको दिलमा
दुखमा साथी सबै रुदा
आउला र तिहार मखमली फूलमा !!?