कति टालो थप्यौ बाबा थोत्रो टोपीमा

कति टालो थप्यौ बाबा थोत्रो टोपीमा ?

कति फिता फेर्यौ बाबा थोत्रो चप्पलमा ?

आउछ रे भोली भन्थ्यौ भोली आएन कि,

थोत्रो भोटोले ' अझै पालो पाएन कि

कति आश फाट्यो बाबा कछाड् फाटेजस्तै

कति मनलाई टाल्छौ बाबा दौरा टालेजस्तै

चप्पल छ कि खाली काट्छौ हिउदे तुसारो?

कति रिन पुग्यो बाबा कति छ उधारो ?

सयौ सपना जन्मिएर त्यसै मर्यो कि

खाली पेट सुत्ने अब बानी पर्‍यो कि !

याम बुढा मगर