शीत जल्यो !!!!

फेरी आज पँधेरीमा कुरा चल्यो भन्छन
जोड़ी हाम्रो देखेर नै शीत जल्यो भन्छन,

खोट लाउने ठाउँ छैन, हिउँभन्दा चोखो छ रे !
प्रेम होस् त यस्तो नै औंसी जल्यो भन्छन,

उधिन्थ्यो कोही खुकुरीनै प्रेम छिनाउनलाई,
हारेर खलनायक ऊ आफैं ढल्यो भन्छन

भलादमी कुरा चल्दा साथी-भाई बिचमा,
मक्किन्न यो प्रेम घाम-पानी छल्यो भन्छन

मनहरू त अवश्य फ़ुल्छन प्रेमको स्पर्शले,
फूलेर यो प्रेम ढुंगा पनि फल्यो भन्छन॥