सम्हालिने बाहाना !

हार्नु हुन्न मैले जित्नु पर्नेछ
काँडामा फुलेर बाँच्नुपर्नेछ

तातो तातो हावामा, मरुभूमिको बालुवामा
आफ़न्तको बियोगमा , मुटु दुख्ने पलहरुमा
रुनु हुन्न मैले हाँस्नुपर्नेछ

चौरस्ता र भीडमा, भ्रम र भ्रान्तिमा
ऐठन हुने सपनामा, सिउडी बिझ्ने बिपनामा
निराशिनु हुन्न मैले सम्हालिनुपर्नेछ

संघर्षका यी पलहरु परदेशी कथाहरु
नेपाली छातिमा दुखेका ब्याथाहरू
भुल्नुहुन्न मैले सम्झिराख्नुपर्नेछ ।