ओ ! निलगिरी हाँसो नमाग !

नमाग्नु हाँसो निलगिरी मैले हाँस्न बिर्सिसकें,

सुखसँग डर लाग्छ , खुसीसँग म तर्सिसकें,

बिना मौसम, बिना बादल, मरुभुमिको बलुवामा,

आफै भित्र चत्याङ्ग परे, झरी बनी बर्सिसकें,

म छैन -म जस्तो चिहानतिर छु कि लाग्छ,

बेचियो सायद स्वाभिमान, ज्यान बलीमा अर्पिसकें,

ओ हिमाल, ओ फेवा, भरोसा देऊ चिसो हम्क,

भुङ्ग्रोमा म जल्न लागे भित्र -भित्रै चर्किसकें,

बिपना हो कि सपना हो, भ्रम, भ्रान्ति, सत्य के

हो कोही भन्छ ' तँ मूर्दा होस फूल अबीर छर्किसके'